الكلمة الافتتاحية

[د. نزار أبوحلاوة]

بسم الله الرحمن الرحيم

أخواتى و أحبائى أطباء المستقبل ( فعلا هانت باقى 3 شهور أحنا كنا فين و بقينا فين)
و الله وحشتونى كلكم جدا جدا جدا جدا جدا
الأول عاير أقولكم و الله أنا عاذركم و عارف أن أصعب فترة هى الفترة دى
بس برضه عاير أفكركم بكذا جمله كده
 

• إذا أشتد الحبل أنقطع و إذا أظلم الليل أنقشع وإذا ضاق الأمر أتسع و لن يغلب عسرا يسرين ( قبل و بعد)
• إن أرفع درجات الحكمة البشرية هي معرفة مسايرة الظروف وخلق سكينه وهدوء داخليين على الرغم من العواصف الخارجية
• الهروب هو السبب الوحيد في الفشل، لذا فإنك تفشل عندما تتوقف عن المحاولة ( للى بيفكر يأجل)
• ان هؤلاء الذين يلجئون الى الله تتجدد قوتهم و يرتقون لأعلى كما لو كانوا نسورا لها أجنحة و يستطيعون الجرى دون تعب و يستطيعون المشى دون ضعف أو توقف
  
• إذا زارتك شده فأعلم أنها سحابه صيف عن قليل تقشع و لا يخيفك رعدها و لا يرهبك برقها فربما كانت محمله بالغيث و أعلم أن من أرسلها أحن عليك من نفسك و أو أبصر بك منك

وتذكر قول الله

* وَلا تَيْأَسُوا مِنْ رَوْحِ اللَّهِ * فإن فرجهٌ قريب, ولطفهُ عاجلٌ, وتيسيرهُ حاصلٌ, وكرمُه واسع, وفضله عامٌ.

*وَعَلَى اللَّهِ فَتَوَكَّلُوا* فوِّضوا الأمر إليه, وأعيدوا الشأن إليه, واشكوا الحال عليه, ارضوا بكفايته, اطمئنوا لرعايته.

* لا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً* فيذهب غمّاً ويطرُد هَمّاً ويزيلُ حزناً ويسهل أمراً ويُقرِّبُ بعيداً.

*حَسْبُنَا اللَّهُ وَنِعْمَ الْوَكِيلُ* يكشف عنا الكروب, ويزيلُ عنا الخطوب, يغفرُ لنا الذنوب, يصلح لنا القلوب, يذهبْ عنا العيوبَ.

* أَلَيْسَ اللَّهُ بِكَافٍ عَبْدَهُ * يكفيه ما أهمَّه و أغمَّه, يحميه ممن قصده, يمنعه ممن كاد له, يحفظُه ممّن مكر به

عوده

كان نفسى قوى أكون معاكم الفترة دى لأني عارف أنها فترة صعبه و الحمد لله ربنا وفقنا فى موضوع الموقع
الفترة دى أن شاء الله حأكون معاكم على طول فى الموقع
الموقع مقسم الى جزئين

الجزء الأولالخاص بتواصل د. نزار معاكم

حأحط جداول معاكم للمذاكرة
و حنراجع مع بعض كل يوم الجدول
و أجاوب أسئلة الامتحانات السنين اللى فاتت
اللى عنده مشكله فى المذاكرة أرتب معاه أولويات المذاكره
و أى حد عنده سؤال أو استفسار أنا معاه

بس أهم حاجه متنسوش أنا مش بلغى حاجه من المنهج

الجزء التانى

مجموعه أطباء امتياز زمايلكم

تطوعوا مشكورين و حيكونوا معاكم الفترة دى لو أنتم عايزين تسألوهم فى أى حاجه و هم برضوا حيساعدوكوا زى و يمكن أكتر لأنهم مروا بالفترة دى قريب جدا و الأطباء هم
الدكتورة/ أسراء الهوارى
الدكتورة/ أسماء عزام
الدكتورة/ أريج النحراوى
الدكتورة/ أيمان العسكرى
الدكتورة/ جيرمين عبد الغفار
 
 

و أخيرا فى انتظاركم ده برضه ميمنعشى لو عايزين تتصلوا بيه فى أى وقت أنا معاكم أن شاء الله

كلمه أخيرة من أخوكم الكبير نزار و ليس الدكتور نزار

لو حاسس أنك مخنوق قوى & زهقان &  الدنيا كلها فوق دماغك أقولك تعمل أيه

أقرأ سورة يوسف و كمان روح منتدى التنميه البشريه فى الموقع أنا حاطط حاجات تنفعك قوى دلوقتى و يا ريت تسمع محاضرات كن مطمئنا بالذات الجزء السادس

ربنا معاكم و أنا  بأدعيلكم

[طارق صحصاح]

 

السلام عليكم يا دكتور ,, معاك طارق صحصاح ,,

أنا فرحان جداً ,, لأن حضرتك عملت الحاجة إللى طول عُمرى بحلم بيها ,, إن الدكتور إللى بيشرحلى يكون فيه تواصل دائم معاه من خلال الإنترنت

لأن ده بيخلق نوع  من العمل الجماعى اللى بيساعد على الإبداع و المذاكرة

بس للأسف جت متأخرة شويتين لأن السنة خلصت خلاص   ,, و إن شاء الله السنة الجاية الطلبة تستفيد بالفكرة ده

و بنشكرك على المجهود اللى بذلته معانا السنة ده ,, و إن شاء الله نرفع راسك بالنتيجة  

[طارق صحصاح]

 

إضافة

لو حضرتك احتجتنى فى أى شىء له علاقة بتصميم المواقع أو تركيب المنتديات أو الفوتوشب ,, هكون حاضر ,, بس بعد الامتحانات 
و ده موقع خاص بيا
www.medicoma.com
و عندى اقتراح  لو يكون فيه صفحة خاصة بحضرتك على الـ face book هتكون اسرع فى الإفادة

لأن 90 % من الدفعة بقضوا 90 % من وقتهم على الـ Facebok

[وائل علاء الدين]

جزاكم الله خيرا على هذا المقع

[وائل علاء الدين]

جزاكم الله خيرا على هذا الموقع

[د. نزار أبوحلاوة]

أنا متشكر جدا على كلامكم و يا ريت لو عندكم أى أقترحات لزياده نسبه الأستفاده علشان ننفذها

[نور الهدي]

السلام عليكم ورحمة الله وبركاته

دكتور نزار
انا طالبة عند حضرتك في ساتة الجديدة
ايه دة ....؟؟
دا معدش في ساتة جديدة ولا قديمة.....احنا اللي ساتة وبس مفيش غيرنا

انا علي فكرة في مجموعة النسا...يعني لسة ماقضيناش مع حضرتك وقت طويل
بس رغم من كدة ظهرلنا تعاونك مع الطلبة وحرص حضرتك الشديد علي مصلحتنا كأخ اكبر قبل ماتكون دكتور كورس

واحب اشكر حضرتك علي فكرة الموقع دي
فعلا فكرة جميلة هتساعدنا علي تواصل اكبر مع حضرتك
بس اعتقد انه محتاج شوية اندماج من حضرتك ومن الطلبة
ياريت لو تكلمنا كتير في الكورس عن المنتدي دة وعن اي اضافات جديدة فيه عشان تشجع الطلبة عالدخول والاندماج
وتبقي فرصة ان الطلبة اللي شغالين نسا دلوقت يستفيدوا من خبرات الطلبة اللي علي وشك تخليص الجراحة
وكذلك برضو هما يستفيدوا من خبراتنا في النسا

ربنا يوفق كل اللي عندهم امتحان بعد الاجازة
وربنا يجعلها سنة لطيفة علينا كلنا باذن الله

[/size]